النتائج 1 إلى 6 من 6

الموضوع: حالة احتباس بول وما نتج عنها،،،حالة طارئة،،ارجو الرد العاجل

  1. #1
    شخصي
    تاريخ التسجيل
    Oct 2018
    الدولة
    Egypt
    المشاركات
    4
    التقييم
    0
    قوة التقييم
    0

    Exclamation حالة احتباس بول وما نتج عنها،،،حالة طارئة،،ارجو الرد العاجل

    السلام عليكم
    عندي قط ذكر عمره حوالي ٣ سنوات،،،جاتله حالة احتباس بول بس للاسف وديته للدكتور فحالة حرجة ومتأخرة ،،، الدكتور عمله أسترة وقام بتفريغ المثانة من البول اللي كان مليان دم،،،،واداله محاليل فظهره وكتبله على علاج وزيارة للعيادة لمدة خمس ايام ياخد فيها حقن مضاد حيوى وكمان فخلال عملية الاسترة حقن المثانة بمحلول ملح وقال عشان تنظف وسيبه هو يتبول لوحده وكمان ساب الاسترة فالقط وقالي خليها لما تطلع لوحدها،،،وكمان قالي ان مجرى البول عند القط ضيق بالاضافة الى الالتهابات اللي حصلت،،،
    مش هنا المشكلة،،،،المشكلة ان القط وخلال فترة الاحتباس كنت بحس انه فيه حيل وقادر وحتى فالعملية كان بيقاوم،،،لكن من ساعة ما رجعت من عند الدكتور والقط بقى همدان ومش بياكل نهائي وبيترمي عالارض من غير اي مقاومة ومش بيحاول يتبول او يتبرز،،،لما وديته تاني يوم للدكتور لقى المثانة مليانة وفضهاله واداله محاليل وحقن تاني وقال حرارته واطية ودفوه وهو بيرجع لما المثانة تتملي ومتخلوهاش تتملي وخليه يشرب مية واكلوه زبادي بالعسل،،،
    بس برضه نفس الهمدان غير الطبيعي لمدة اهو ٣ ايام ومش بيحاول يتبول ولا في براز،،،وانا اللي بفضيله المثانة كل فترة ولما بضغط على معدته بيتأوه ولما بفضي المثانة مبقاش فيه دم،،،لكن تحس بطنه منفوخة ومفيش براز،،،قلت يمكن مفيش براز عشان بقاله اكتر من يوم مبياكلش،،،فبقيت احطله زبادي مخلوط بشوية سكر فسرنجة وأأكله بالعافية،،أو شوربة لحمة ومخلوطة بفتافيت فراخ وبرضه اديهاله بالسرنجة،،،،
    بس لسة الوضع كما هو،،،،مفيش براز،،،لازم انا اللي افضيله المثانة،،،همدان غير طبيعي وبيتحرك بالعافية وعلى طول عايز يقعد فالحمام او فمكان على البلاط ،،،وألم عند المعدة،،،انا قلت يمكن بسبب البولينا لما زادت فالجسم ووصلت للمعدة وكان بيرجع فسببت التهابات فالمعدة وعشان كدة مش قادر ياكل وبيتألم وكمان الهمدان بسبب قلة الاكل،،بس مش عارف وياريت تفيدوني لو حد عنده علم،،،وشكرا ليكم

  2. #2
    شخصي
    تاريخ التسجيل
    Oct 2018
    الدولة
    Egypt
    المشاركات
    4
    التقييم
    0
    قوة التقييم
    0

    افتراضي

    لاسف القط مات من دقايق بعد ما فضيتله المثانة،،،وانا بضغط عليها حسيته بيتألم اكتر من العادة وبيعمل اصوات،،بعديها بلحظات مات،،،
    مبقتش عارف السبب بصراحة،،،هل انا عشان ضغط جامد عالمثانة ولا بسبب ان الدكتور اداله محلول ملح جوة المثانة وهو بيعمل الاسترة وكان عارف ان عنده التهابات جامدة،،،وكان سبب دة ان الملح مع الالتهابات ولع جوة جسمه ومبقاش قادر،،
    اللهم لا اعتراض

  3. #3
    شخصي
    تاريخ التسجيل
    Oct 2018
    الدولة
    Egypt
    المشاركات
    4
    التقييم
    0
    قوة التقييم
    0

    افتراضي

    أفيدوني بالله عليكم لاني حاسس بالذنب ومش قادر،،،
    هل الضغط على مثانة القط بشدة تسبب موته ولا هو اصلا الدكتور لما كان بيقنه بمحلول الملح فالمثانة وهي ملتهبة دة هو سبب الهمدان اللي اصابه بعد الاسترة وامتناعه بعدها عن الاكل والشرب،،،
    ايه السبب لاني مش قادر اسامح نفسي
    لانه وانا بفضيهاله المرادي غير اي مرة فاتت صرخ كام صرخة وبعديها بشوية مات،،،فانا مش عارف هل انا السبب
    الله يكرمكو قولولى

  4. #4
    مشرف عام الصورة الرمزية د. هاني اسماعيل
    تاريخ التسجيل
    Jul 2009
    الدولة
    Cairo, Egypt
    العمر
    44
    المشاركات
    5,014
    التقييم
    22
    قوة التقييم
    20

    افتراضي

    اغلب حالان النفوق تحدث بسبب التسمم بالبولينا
    د. هاني اسماعيل
    القاهره - مصر

  5. #5
    شخصي
    تاريخ التسجيل
    Oct 2018
    الدولة
    Egypt
    المشاركات
    4
    التقييم
    0
    قوة التقييم
    0

    افتراضي

    شكرا دكتور على ردك
    لكن انا عايز اعرف هل الصرخة اللي صرخها قبل ما يموت فخلال قيامي بإفراغ المثانة كان بسبب اني ضغطت جامد او اني ضغطت على مكان غلط وهو دة اللي سببله الوفاة بعديها بدقايق،،،ولا هو في حاجة غلط عملها الدكتور وكمان لما حقنه بمحلول الملح فالمثانة وهو عنده التهاب حاد جدا ودة اللى خلى جسمه مش مستحمل والدليل ان قبل ما اوديه للدكتور وهو عنده حالة الاحتباس كان لسة بقوته وبحيله لكن بعد ما رجع من عند الدكتور وبرغم انه حقنه بمحاليل فظهره واداله حقن مضاد حيوي لكن كان فحالة همدان شديد وفاقد القدرة عالاكل والشرب والتبول،،،
    انا مش عارف وخايف اكون انا السبب لما ضغطت جامد عالمثانة وانه كان ممكن يعيش بعد ما عدى يومين عالعملية،،،
    ياريت تفيدني يادكتور

  6. #6
    شخصي
    تاريخ التسجيل
    Nov 2018
    الدولة
    jeddah
    العمر
    24
    المشاركات
    3
    التقييم
    0
    قوة التقييم
    0

    افتراضي

    لا مش انت السبب
    هو من وقت مابقى مابياكل ولا بيشرب وهو في عداد الاموات
    بس انت بتلوم نفسك بالعكس انت عملت اللي قدرت عليه وعالاغلب ان الوفاة بسبب التسمم
    شوف موضوعي اللي عملتو انا نفس الوضع بلوم نفسي مرات ومرات بقول عملت اشياء عشان انقدها بس ربنا مااراد
    عموما ربنا يعينك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •