بسم الله الرحمن الرحيم
لو مزرعتك حولها حقول ارز
وبتشتكى من الناموس
خاصة فى فصل الصيف يعنى فى النهار الحر مش مخلى الفراخ تاكل
وفى الليل مش هياكلو من كثر الناموس
اعمل الاتى
الاقتراح الاول
على كل شباك حط ليمونة مشقوقة نصفين ومغروز فيها حبات من القرنفل
بين الحبة والحبة اقل من نص سم
وفى النص بين الشقين دول ليمونة كاملة بردة مغروز فى جدارها قرنقل ومغطيها من كل ناحية
يعنى حبة كاملة وحولها نصفين
والكل مزروع فية قرنفل
الاقتراح التانى
هتعلق ورق نعناع على مداخل ومخارج الهواء زى الشبابيك او الابواب
وبكل اسف بعد ما النعناع ينشف تاثيرة فى طرد الناموس هيقل
فالافضل زراعة حتى لو شتلة واحدة المهم يكون اخضر باستمرار
دمج الفكرتين مع بعض بيعمل اعلى نتايج مهما كان حمل او عدد الناموس فى المنطقة
السبب العلمى
ان الناموس مش بيحب الروائح العطرية او النباتات العطرية وخاصة القرنفل
والليمون الحمض اللى فية بيخلى رائحة القرنفل تنتشر اكثر
ممكن تعمل الفكرة على برتقال بدلا من اليمون لاكن الليمون اقوى
اللهم اجعل عملنا هذا خالص لوجك الكريم
الاقتراح التالت
انك ممكن تستخدم
بخور ناموس توتس أمن جدا على الدواجن مش بيسبب اى مشاكل فى الجهاز التنفسى وده المبيد الوحيد اللى حقق نجاح 100% مع الناموس فى مزارع الدوجن
طب ايه هو البخور ده والفكرة بتاعته عبارة عن ايه ؟!!
البخور ده عبارة عن اقراص حلزونية على شكل ملفات دوائر متداخلة
القرص الواحد بيحترق فى وقت 7 ساعات متواصل وكمان ممكن يغطى مساحة مثلا 20 متر اقل حاجة وبيفضل شغال لمدة 7 ساعات متواصل بدون توقف
وبيشتغل فى الاماكن المفتوحة يعنى فى عنبر دواجن مفتوح يبقى كويس جدا فيه
طب هو بيطرد الناموس ازاى ؟! عن طريق رائحة مميزة غير مزعجة الرائحة دى بتخلى الناموس يهرب من المكان
طب ازاى اعرف ان البخور ده كويس اللى انا بشتريه ومفهوش مشاكل اول حاجة عن طريق توليع طرف البخور المفروض يفضل شغال من غير ما ينطفىء والحاجة التانية عن طريق الرائحة او المواد النشطة دى بتبقى محطوطة بنسبة معينة فى المنتج طب امته تشك ان المنتج اللى بتشتريه ده مش كويس اول حاجة انك تشترى من مصدر موثوق فيه
سواء شركة مبيدات او مكتب ادوية بيطرية وكمان الشركة المستوردة
والبخور ده بيتم صناعته فى مصانع فى الصين مفيش منه تصنيع فى مصر فى الوقت الحالى
الموضوع منقول ومعدل من صفحة (
مهندس عاطف عبد الدايم معلومات وخبرات حقلية فى مجال الدواجن )