النتائج 1 إلى 2 من 2

الموضوع: اطلب المساعدة في زوج البادجي بليز :(

  1. #1
    شخصي
    تاريخ التسجيل
    Sep 2006
    الدولة
    مصر
    المشاركات
    37
    التقييم
    0
    معدل تقييم المستوى
    14

    افتراضي اطلب المساعدة في زوج البادجي بليز :(

    السلام عليكم

    لو سمحتو انا عيد ميلادي كان يوم 8-11 وعشان انا بعشق الحيوانات كانت هدية خطيبي زوج من البادجي ودي كانت اول مرة اشوف واعرف في العصافير ف معنديش اي خبرة فيهم (ميح يعني) وعرفت بعض المعلومات من المنتدى والمواضيع الرائعة اللي فيه بس للاسف مش عارفة اطبقها علىهم

    بالنسبة للاكل مش راضيين ياكلو اي حاجة غير خلطة الحبوب اللي عطاهملنا صاحب العصافير حطتلهم خيار وجزر وكابوتشي وجرجير وتفاح وبرتقال مافيش فايدة خالص
    عملت لهم بيض مهروس بالبقسماط مرضوش ياكلو الا لما شلت الحبوب لمدة 10 ساعات ومأكلوش اوي برضه اهه حبة كدة عشان جعانين بس
    عايزة اعرف اعمل ايه عشان ياكلو والاكل والمياه بيتغيروا كل اد ايه وامتا احطلهم ليمون في المياه وامتا احط مضاد حيوي وكمان معلش انضفلهم العش كل اد ايه مع العلم اني بلف كيس بلاستيك على ارضيه القفص المتحركة لسهولة التنضيف
    بالنسبة للتفريخ
    انا جبت لهم العش الخشبي وركبتهلهم ومحدش فيهم راضي يقرب ناحيته الا من يومين بس الانثي وقفت على باب العش كدة كانها بتتفرج عليه 10 -20 ثانية ومشت تاني بس هيه والشهادة لله مش مقصرة عمالة تنضفه وتفليه وهوة عامل تقيل خالص ومش معبرها وشكلهم كدة مافيش فيهم امل مش عارفة اعمل ايه عشان تبيض ولا هما مش في السن اصلا بتاع الزواج
    ومعلش انا كنت عايزة اسأل على حاجة تانية مفروض احطهم فين وهل اغير لهم مكانهم كل شوية ولا اثبت لهم مكان واحد انا خايفة احطهم في البلكونة لان الجو اليومين دول تلللللللللللللج فعلا خايفة عليهم ف انا حطاهم معانا في اوضة المعيشة واعدة جنبهم على طول هل دة صح ولا غلط
    و دي صور ليهم لو في اي معلومة زيادة ممكن تفيدوني بيها من حيث السن والنوع وكدة يعني

    10112011046.jpg12112011060_1.jpg


    مفروض ان الذكر هوة الابيض والبنوتة هيه الازرق في رصاصي دي

    اسفة على الاطالة وشكرا مقدما

    حبيبة قلبي

  2. #2
    شخصي
    تاريخ التسجيل
    Oct 2010
    الدولة
    egypt
    العمر
    28
    المشاركات
    340
    التقييم
    0
    معدل تقييم المستوى
    10

    افتراضي

    اولا كل سنه وانتي طيبه

    ثانيا العصافير دي زغاليل يعني لسه صغننه خالص ع انها تبيض وده باين من رأس البنوته لان الخطوط اللي في راسها من قدام لو هي كبيره الخطوط تبقي من وري شويه وتختفي من اول الرأس خالص

    ثالثا سيبك من البرتقال والحاجات دي انتي تحطيلهم نوع حبوب اسمها ( فلارس) يومين في الاسبوع وباقي الاسبوع حبوب مخلطه 2 كيلوا حبوب اسمها (بنكم) ع كيلوا حبوب اسمها (دنيبه) ع نص كيلوا حبوب اسمها (فلارس)

    رابعا من الطبيعي انهم مايكلوش كتير لانهم يادوب عارفين ياكلوا لان ابوهم وامهم هما اللي كانوا يأكلوهم وهما يا دوب بيعتمدوا ع نفسهم

    خامسا الاتنين ذكور لان العصفوره البيضه منقارها البنفسجي دي هتقلب ع ازرق وده معناه دكر والنتايه الازرق في اسود دي برضه دكر لان منقارها من الجوانب مزرق والعلم عند ربنا لانهم مافيش اي دلاله ع البلوغ لانهم صغييرين

    سادسا ماتغيرهمش عشان خطيبك مايضايقش استني شهر او شهر ونص اللي هيبقي ازرق ده دكر واللي هيبقي بني فاتح ده نتايه لو الاتنين دكوره هاتيلهم نتي من نفس العمر

    سابعا التربيه تكون جوه الشقه عشان ما يبقاش في ازعاج ولا يفتحوا القفص ويهربوا وتغطي القفص كل ليله وتسيبي التلت من تحت متعري
    وبلاش من خلطات الحاوي اللي بتعمليها ههههه اللي قالك عليها بتاع العصافير لانها بتضر العصفور وماتحطيش ليمون ع الميه ابدا ده بيعمل حموضه للانسان اشحال العصفور هيعمله نظيف لو كتر في الميه
    تامر اميل
    مربي ارانب بالمنياtele 0149703571
    e-mail :theknight.oflove@yahoo.com

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •