النتائج 1 إلى 10 من 10

الموضوع: قطي لا يأكل ودائم البلع

  1. #1
    شخصي
    تاريخ التسجيل
    May 2009
    الدولة
    EGYPT
    المشاركات
    12
    التقييم
    0
    قوة التقييم
    11

    افتراضي قطي لا يأكل ودائم البلع

    السلام عليكم ورحمة الله وبركاته
    بدايةً جزاكم الله خيراً على المنتدى الرائع
    وعندى مشكلة مع قطي لأكثر من شهر ونصف الآن
    ولكن باختصار كان عندى قطة أخرى أخته وماتت قبل أن يمتنع عن الأكل بأيام قليلة وكان عندها ألتهاب رئوي أو عدوى صدرية وقرحة بالمعدة أختلف الأطباء في ذلك وقبل أن تموت بحوالي اسبوع بدأ القط يعطس او يكح مثلما تفعل لكن بسيط وكان بياكل بصورة طبيعية
    وبيانات القط كالتالي
    1- عمر الحيوان : سنة و8 شهور
    2- جنس الحيوان : ذكر
    3- سلاله الحيوان : الأب شيرازي والأم سيامي
    4- الوضح الحالي من التطعيمات و ادويه الديدان : لم أعطه اى تطعيمات و دواء الديدان اخد انتيفير 3 سم صباحاً ومساءً لمدة 3 ايام وكان مفروض يكرر بعد اسبوعين لكنه تعب بشدة بعدها فلم اعطه مرة ثانية
    5- نظام التغذيه المتبع : الاكل الاساسي قبل المرض سمك واى اكل من البيت وبعد المرض وامتناعه عن الاكل فراخ عليها خضار مسلوق ومضروب في الخلاط بالسرنجة واعطيه حوالي كل ساعتين او ثلاثة حوالي 40 سم
    6- بدايه ظهور الاعراض: منذ حوالي شهر وثلاث اسابيع تقريبا
    7- ذكر كل الاعراض علي الحيوان و كل شيء يبدو غير طبيعي
    في البداية كما ذكرت أنه كان بيكح وبعدها اخد سيفوتاكس حقن لمدة 5 ايام وبعدها مرض بشدة فذهبت به لطبيب آخر حلله دم وقال عنده نسبة التكسوبلازما 8 على 10 وهي اللى سببت ده وعنده التهاب في الغدة الليمفاوية واعطاه دواء ميكوناز miconaz جل للفم مرتين يومين صباحا ومساءً - بعدها اكل يوم بسيط وقطع الاكل مره تانيه وابتدت حالته تتدهور ثم طبيب آخر تليفونياً لانه غير موجود في محافظتي كتب له سيفوبيد مضاد حيوى لمدة يومين وحقن فيتامين ب تراى بي لمدة ثلاث أيام وفولتارين مرة واحدة 1 سم .
    تحسن قليلاً لكنه برضه مأكلش لوحده لكن صحته تحسنت بدل النوم دائماً و الكحة راحت من عنده كانت اوقات بسيطة بيكح لما بيصدر صوت الكر وبعد مدة مبقاش بيكح نهائي لكن بدأت مشكلة جديدة وهو انه بيبلع علطول وهو قاعد كأن عنده ارتجاع مرئ او في حاجه في فمه بيبلعها .
    فالدكتور كتب له سبراى BBC وابتدى ياكل يوم وبعدها قطع الاكل مرة تانيه فالدكتور كتب له فوار زنتاك بياخده بالسرنجة وفعلا اكل لما اخده لكن مش وجبه سمكة مثلا في الوجبة صغيرة واستمر كده حوالي يومين وبعدها بدأ نوبة قيء متواصل حوالي 10 مرات في 6 ساعات فأخد موتيليوم مرتين في اليوم وتحسن ايضاً واستمر ثلاثة أيام يأكل حوالى سمكتين بالوجبة 3 مرات يوميا و قطعت كل الادوية وتدهورت الحالة مرة اخرى واصبح لا يأكل ومن اليوم رجعت ادتله موتيليوم وزنتاك مرة تانية .
    القط اصبح منهك تماماً من الادوية ولا أجد اى طبيب عندى أثق به صراحة أنا من الاسكندرية
    وجربت اكتر من دكتور والقط أصبح يخاف بشدة من الادوية والحقن
    هو حالياً دائم البلع وهو جالس كان في شيء في فمه بيبلعه ويرفض الاكل او مع الزنتاك والموتيليوم يأكل سمكة بالوجبة واقوم بإطعامه بالسرنجة الفراخ بالخضار كما أن عينيه تدمع احيانا قليلة تكررت حوالي مرتين او تلاتة في فترة مرضه
    لا اعلم هل المشكلة عنده بالمعدة او البلعوم او الحلق
    اعتذر بشدة للإطالة لكن احببت ان اكتب التفاصيل يمكن اى شيء اعتبره غير هام تكون معلومة هامة عند حضرتك
    وأيضاً طوال فترة تربية القط منذ مولده عندي بالمنزل لم يكن له أو لأخوته اى تاريخ مرضي مطلقاً او حتى لامه السيامي التي لاتزال عندى بالمنزل
    وجزاك الله خيراً

  2. #2
    شخصي
    تاريخ التسجيل
    May 2009
    الدولة
    EGYPT
    المشاركات
    12
    التقييم
    0
    قوة التقييم
    11

    افتراضي

    عذراً دكتور هانى نسيت اكتب ان الدكتور كتب له كمان من ثلاثة ايام ديكال ب 12 جرعة 3 سم صباحاً ومساءً ومستمرة عليها ايضاً

  3. #3
    مشرف عام الصورة الرمزية د. هاني اسماعيل
    تاريخ التسجيل
    Jul 2009
    الدولة
    Cairo, Egypt
    العمر
    45
    المشاركات
    5,132
    التقييم
    22
    قوة التقييم
    21

    افتراضي

    في الحقيقه هو في البدايه اخذ ادويه مضره جدا للمعده مثل ميكوناز الذي اذا اعطي بكثره قد يسبب فقدان شهيه و غثيان ( مع العلم ان ليس لها علاقه بالتكسوبلازما كما ان مرض التكسوبلازما يشفي تلقائيا بدون اي علاج في خلال اسبوعين كما ان الغالبيه العظمي من القطط تصاب بالتكسوبلازما بدون ظهور اعراض )) و ايضا الفولتارين (يسبب التهابات و قرح للمعده من جرعات قليله ) .
    انا رائي طالما انه لا يوجد برد و لا اسهال انك تستمري علي العلاج الاتي :
    1- حقنه كورتيجين ب 6 يوميا لمده 3 ايام ( اذا كان الترجيع يحدث مره يوميا او اكثر ) .
    2- ثلث امبول زنتاك في العضل يوميا لمده 7 -10 ايام . او يمكن اعطاء ربع قرص زنتاك كل 12 ساعه قبل الاكل .
    3- موتيلوم قبل الوجبه الاساسيه بنصف ساعه .
    4- اعطاء قرص للديدان .
    كما افضل تجنب الاسماك و الاطعمه المحتويه علي ملح كثير او توابل او بهارات او بصل .
    اذا كانت فروته بها كلاكيع شعر او يعاني مشكله تساقط شعر فيجب ان تعالج هذه المشكله فورا .
    التعديل الأخير تم بواسطة د. هاني اسماعيل ; 02-06-2011 الساعة 02:38 AM
    د. هاني اسماعيل
    القاهره - مصر

  4. #4
    شخصي
    تاريخ التسجيل
    May 2009
    الدولة
    EGYPT
    المشاركات
    12
    التقييم
    0
    قوة التقييم
    11

    افتراضي

    طيب يا دكتور هو مفيش ترجيع دلوقتى خالص انا بقيت بديله الموتيليوم علشان معدته فبلاش اديه كورتجين ؟
    وبلاش حقن ممكن اديله ربع قرص زنتاك مرتين في اليوم كل 12 ساعة
    والموتيليوم لو قبل الوجبة الاساسية يعنى مرة واحده في نصف اليوم ؟
    وقرص الديدان دورنتال اديله نصف قرص ولا ايه - مع العلم انه رفيع جدااااا وعضمه اصلا كله بازر من الضعف وهو كان رفيع من الاول والتعب زادة اكتر
    وهل استمر على الديكال مع الادوية ؟
    والسمك كمان بلاش طيب ممكن اديله دراى فود ولا ايه بس هو الاكل الوحيد اللى بيقبل عليه السمك المسلوق
    واعتذر بشدة على كتر الاسئلة لكن خايفه اضره وصعبان عليا جدا من طول فترة المرض
    وجزاك الله خيراً

  5. #5
    مشرف عام الصورة الرمزية د. هاني اسماعيل
    تاريخ التسجيل
    Jul 2009
    الدولة
    Cairo, Egypt
    العمر
    45
    المشاركات
    5,132
    التقييم
    22
    قوة التقييم
    21

    افتراضي

    اذا مافيش ترجيع فممكن عدم اعطاء كورتيجين .
    و الموتيليوم يتعرض مع الزنتاك ويمكن ان يؤدي الزنتاك الي تقليل فعاليه الموتيليوم اذا اعطي في خلال ساعتين من اعطاء الزنتاك لذلك يفضل اعطاء الموتيليوم بعد فتره طويله (بعد ساعتين علي الاقل ) من اعطاء الزنتاك .
    و ممكن اعطاء الموتيليوم مرتين في اليوم (قبل الاكل ب 15-30 دقيقه ) و اعطاء الزنتاك جرعه واحده صباحا او مساء .
    و اقراص الدرونتال تعطي بالوزن .. قرص ل 4 كجم من وزن الحيوان .
    و لا داعي للديكال .
    جربي اصناف الاكل الاخري اولا .. لحوم - دجاج - جبن مثلثات - جبن كيري - لحم مفروم ني (بدون بصل او ملح او توابل ).
    د. هاني اسماعيل
    القاهره - مصر

  6. #6
    شخصي
    تاريخ التسجيل
    May 2009
    الدولة
    EGYPT
    المشاركات
    12
    التقييم
    0
    قوة التقييم
    11

    افتراضي

    دكتور هانى من فضلك القط مازال تعبان ومش بيكاكل نهائي الا بالسرنجة وكمان مبقاش عايز يبلع الاكل منها
    انا وديته للدكتور اداله حقن لالتهاب المعده وكتبله موتيليوم صباحا ومساءً وجاستروفيت نص قرص مرتين برضه
    والقط لسه تعبان كلمته النهارده قالى اديله مضاد حيوى سيفوتاكس 1 سم مع زنتاك حقن 1 سم في نفس الحقنه وقالى انه ممكن يكون التهاب في المرئ واذا مبقاش كويس لمدة 5 ايام من الدواء ده لازم يتعمله اشاعه علشان نعرف عنده ايه في المريء واذا كان عنده حاجه لازم يبقي فيه جراحة
    دكتور من فضلك هو ممكن يكون ايه عنده في المريء كمان هو موضوع البلع كل شوية زائد جدا حتى لو حد لس رقبته بيفضل يبلع كأن في حاجه في الزور مش عارف يبلعها
    وموضوع الاشاعه كمان يا دكتور صعب على القط وبيبقي ازاى للقط والصبغة بتتعمل ازاى ومؤلمة ليهم ؟
    جزاك الله خيراً وعذرا على كتر اسئلتي لكن مش عارفه الاقي المعلومات دى في اى مكان على النت وقلقانه عليه جدا
    التعديل الأخير تم بواسطة JuSt CaT ; 12-06-2011 الساعة 02:49 PM

  7. #7
    شخصي
    تاريخ التسجيل
    May 2009
    الدولة
    EGYPT
    المشاركات
    12
    التقييم
    0
    قوة التقييم
    11

    افتراضي

    عذراً دكتور هاني ومن فضلك أيضاً اذا حضرتك تعرف دكتور كويس في اسكندرية فضلاً اسمه و العنوان
    وجزاك الله خيراً

  8. #8
    مشرف عام الصورة الرمزية د. هاني اسماعيل
    تاريخ التسجيل
    Jul 2009
    الدولة
    Cairo, Egypt
    العمر
    45
    المشاركات
    5,132
    التقييم
    22
    قوة التقييم
    21

    افتراضي

    صعب ان استطيع افادتك بشكل فعال من علي بعد لان حاله مثل هذه الحاله تحتاج كشف جيد ... ريما يوجد مشكله بالاسنان (مثل ضرس تالف يسبب الم شديد بالفم ) او اي مشكله اخري . و احتمال لديه قرحه بالمعده بسبب ابتلاع الشعر و احتمال لديه قرح بالفم علي اللسان نتيجه للاصابه بفيروس خصوصا انك ذكرتي انه كان مصاب بمرض تنفسي .
    يجب فحص الحاله العامه للقط و يجب ايضا فحص الفم و الحلق و الاسنان بدقه .
    ممكن ياكل سمك لو بيحبه .
    و لا يفضل خلط دوائين في سرنجه واحده
    د. هاني اسماعيل
    القاهره - مصر

  9. #9
    شخصي
    تاريخ التسجيل
    May 2009
    الدولة
    EGYPT
    المشاركات
    12
    التقييم
    0
    قوة التقييم
    11

    افتراضي

    جزاك الله خيراً يا دكتور
    ياريت لو حضرتك تعرف دكتور ممكن اروحله في اسكندرية تكتبلي الاسم والعنوان
    وجزاك الله خيراً

  10. #10
    مشرف عام الصورة الرمزية د. هاني اسماعيل
    تاريخ التسجيل
    Jul 2009
    الدولة
    Cairo, Egypt
    العمر
    45
    المشاركات
    5,132
    التقييم
    22
    قوة التقييم
    21

    افتراضي

    للاسف ليس لدي اي فكره عن اطباء الاسكندريه ممكن تروحي كليه الطب البيطري في ادفينا .
    د. هاني اسماعيل
    القاهره - مصر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •