حالة هزال في 50% من القطيع

[SasaSoft]

السلام عليكم ورحمة الله وبركاته
ياجماعة انا عندي نوص الامهات تقريبا في حالة هزال علماً بان دي البطن الثالثة ليهم بدون راحة
ايه اللي اقدر اعملو عشان يستعيدو صحتهم انا طبعاً وقفت التلقيح ليهم دلوقتي لكن ازاي اخليهم يستعيدو صحتهم
علماً باني الشهر اللي فات اديت جرعة كافوزال 1 سم لكل القطيع في العضل ومش عارف اعمل ايه بصراحة تاني
وبستخدم علف اتميدة مرضعات عادي مش سوبر فهل ده علف معقول ولا وحش لاني حاسس انو هو السبب

[eng_sherief_adel]

السلام عليكم
مادامت الحالة شديدة فاالغالى ثمنه فيه استعمل انتوبلكس انتاج شركة تورنيل المكسيكية الجرعة 1/2 سم
اذا كان غالى عليك استعمل تونوفوسفان الجرعة 1/2 سم
اذا كان غالى عليك استعمل كافوزال جرعة 2.5 سم
ضع جرعة فيتامينات (غنام او بيوفيتيس)
ثم جرعة املاح معدنية ( مينرال تى اس او تسبو فورليجو)
مادامت لا تريح الارانب فاستعمل علف سوبر لانه اعلى فى البروتين
وياحبذا لو استعملت اى نوع بروبيوتيك)لانه سيحسن الحالة الصحية
http://www.arabvet.com/modules/newbb_plus/viewtopic.php?topic_id=26035&forum=39
واهم انواع البروبيوتيك الموجودة فى السوق هى بيوجين اس و بريمالاك و بيورا 1

[SasaSoft]

الف شكر للرد يابشمهندس والله ماعارف اودي جمايلك دي فين. دايماً بتلحقني بسرعة ومعلش ليا سؤال اخر
هل لو قلبت العلف من اتميدة عادي لاتميدة سوبر ده ممكن يسبب اسهال ولا بردو لازم ادرج العلف كأني بغير لنوع مختلف تماماً؟
ومعلش سؤال اخر انا قابلتني حاجة غريبة جدا عندي ارانب فطمتها كلها مع بعض على وزن من 750 الى 800 جرام وبعد الفطام فيه حاجات منها بعد 6 اسابيع من الفطام وصلت الى وزن 2 كيلو وربع و 2 كيلو ونوص!! وارانب تانية لازلت على وزن كيلو ونوص ومعدل الزيادة بتاعها بطيء جداً يكاد يكون متوقف ومش فاهم ايه السبب رغم اني بضع نفس كمية العلف للكل بالتساوي وطبعاً في نقطة هامة انهم مختلفين في الانواع يعني شوية نيوزلاندي وشوية ركس وشوية بابيون وده طبعاً تصنيف حسب اللون لاني مش مقتنع ابداً ان الارانب اللي عندي دي فيها اي حاجة سلالة بيور فما هو السبب ؟
واسف للاطالة

[dr-tito]

السلام عليكم
لو تسمحولي الرد
انا اعتقد ان علف اتميده واي علف ف السوق الان غير مجدي بالمرة والافضل التركيب وده عن تجربة


ثانيا الهزلان افضل حاجة لة اد3ه يوم بعد يوم واملاح في الماء مع بعض العليقة الخضرا للامهات دون الفطام مع ادوية الباشمهندس شريف وده طبعا ممتاز جدا

وطبعا تغير العلف لازم فية تدريج
بس انا انصحك تستخدم علف موثوق فية لو انت قريب مني ممكن اقولك على مصدر كويس (الغربية او كفر الشيخ )

اما بالنسبةلمعدلات التحويل فهي تختلف حسب رضاعة الصغار من الام والنوع النيوزلاندي والركس اعلى تحويل مع الفلاندر
وبيعتمد كمان على الذكر اللي ملقح منه المهم ما يكنش في اعراض مرضية
وممكن السبب كمان يكون التهاب اللامعاء وعلاجة مضاد حيوي كويس اغلب الناس بتقول نيوتراميسين
بس انا اققول اوكسي تتراسيكلين ف الماء مع سلفا كوينوكسالين

وربنا معاك
ومعانا

[SasaSoft]

dr-tito شكراً لردك وان شاء الله ربنا يسهلها معايا وتعدي الحكاية دي على خير

[eng_sherief_adel]

وفقك الله للخير