مزرعة الحاج احمد(للارانب )

[eng bassem]

توجد قرية بمركز طوخ بالقليوبية تسمى ( ميت كنانة ) بها العديد من مزارع الارانب ولكن هناك مزرعتين كل منهما بها 200 ام و كل منهما مكونة من طابق واحد وكل منهما مزودة بغرفة خارجية للعمال .... المزرعة الاولى صاحبها اسمة احمد الجيار و هو يعمل سائق خاص لاحد السفراء العرب بالقاهرة و المزرعة الاخرى صاحبها اسمة الحاج احمد ابو العينين وهو كان سائق بهيئة النقل العام ثم احيل للمعاش واى حد هتسالة فى البلد هيقول اكيد مزرعة احمد زى مزرعة الحاج احمد و لكن الامر مختلف تماما ....................... زى الاختلاف بين السماء والارض ........وعلشان كدة انا بقول ان مزرعة احمد مش زى مزرعة الحاج احمد ...................وللحديث بقية لو كان فى العمر بقية

[ تم التعديل بواسطة eng bassem 26.10.2008 - 11:56 ]

[vetoman2000]

شوقتنا يا باشمهندس باسم
عاوزين نعرف ايه الفرق بين مزرعه احمد ومزرعه الحاج أحمد

[rami_nassr]

ياتري ايه الفرق

[أحمد يوسف]

:-D

[eng bassem]

السلام عليكم ورحمة اللة وكل عام وانتم بخير ... قبل ان نتحدث عن الفرق بين مزرعة احمد ومزرعة الحاج احمد ...... اعتقد انة من الكلمات القليلة السابقة يستطيع الكثيرون التنبوء و التوقع اى من المزرعتين يمكن اى تعطى ربح اعلى و لماذا ؟؟؟؟؟ فى انتظار توقعاتكم وردودكم

[ تم التعديل بواسطة eng bassem 26.10.2008 - 11:56 ]

[rami_nassr]

اتوقع ان مزرعه الحاج احمد ابو العنين هى الى هتكون افضل علشان خاطر حضرتك قلت انه كان سائق واحيل على المعاش يبقى هو الى اكيد واخد باله من مزرعته
صح
ولا
خطا

[ تم التعديل بواسطة rami_nassr 06.09.2008 - 14:51 ]

[eng bassem]

فعلا يا اخ رامى كلامك سليم واشكر على المشاركة يعنى احنا متفقين على ان الى يتابع مزرعتة بنفسة اكيد هيكسب اكثر و فى انتظار باقى المشاركات

[eng bassem]

الحاج احمد ياجماعة انسان عادى جدا ..ذو التعليم المتوسط ...بس الميزة الى فية انة بيحاول يفهم يعنى اية مزرعة ؟ و يعنى اية ارانب ؟؟؟ .... يعنى حدد ان هدفة هو الربح من المشروع و تاكد ان الربح مش هيتحقق غير لما مبيعاتة السنوية تكون اعلى من مصروفاتة السنوية وعلشان دة يتحقق اعد يفكر لحد ما وصل انة لازم يمشى فى اكثر من اتجاة و علشان الموضوع ما يبقاش صعب علية قرر انة يرتبة حسب الاولوية ... يعنى اية ؟؟؟ يعنى علشان الايراد يكون اكبر من المصروفات ممكن يقلل المصروفات الى ممكن الاستغناء عنها او يحاول يزيد الايراد اما عن طريق البيع بسعر اعلى او عن طريق زيادة الانتاج ... او الاثنين معا ...... ولما اعد يفكر قال : موضوع البيع بسعر اعلى دة مش هو الحل الامثل لانى لو رفعت السعر هرفعة اد اية ؟؟ جنية ولا اثنين ؟؟ هيعملوا اية دة كل الانتاج الى يطلع عندى كل شهر 200 ارنب يعنى 250 كيلو يعنى الاثنين جنية هيزودوا الايرادات 500 جنية يعنى برضة هخسر و تانى حاجة موضوع السعر دة مش انا لوحدى الى بحددة دة سعر سوق و عرض وطلب ...وكلنا بنستنى اشرف عمارة كل يوم علشان نعرف السعر الجديد يبقى مفيش امامى غير انى احاول ازود الانتاج بتاعى ... طب ازاي ؟؟؟ يعنى مثلا لو انا اخرت وزن البيع شوية وخليتة بدل كيلو وربع .... بقي 1.700 او 1.800 كدة يبقى وزن الارنب الواحد زاد نصف كيلو .... اية المشكلة ؟؟ ومش هيقعد عندى كتير .... بس كدة انا هكون زودت وزن الارانب 100 كيلو زيادة يعنى الوزن بقى 350 كيلو يعنى لو الكيلو سعرة 15 جنية بس انا كدة زودت مبيعاتى 1500 جنية وحتى لو صرف 500 جنية علف منهم يبقى فية 1000 جنية زيادة .....ولا انا غلطان ؟؟؟؟؟ وكدة تبقى مزرعة احمد مش زى مزرعة الحاج احمد ......... ومش بس كدة انا ممكن ..... وللحديث بقية لو كان فى العمر بقية

[ تم التعديل بواسطة eng bassem 07.09.2008 - 00:09 ]

[vetoman2000]

متاااااااااااااااااابع انا معاك

[اشرف عماره]

كده تمام واحنا كمان بنعمل لغاية كده زيه وكمان بنحاول نوفر من العلف باضافات تانيه معاه يعنى طن البطاطا الان ب 500 جنيه وطن العلف 2200 الفرق واضح وكمان طن البطاطس كان ب 300 جنيه الفرزه التانيه واهو كله توفير والارانب بتحب تطرى على نفسها بشوية خضار وماننساش الدريس والحمد لله عندنا الارض والغيط بيوفر كتير ولما اجرب الجزر واشوف الفرق معاه يمكن ازرع شوية وربنا كريم