أستطلاع رأي عن أمكانية بيع زبل الأرانب وتحقيق مكاسب

[trustmeee]

هل تستطيع بيع الزبل الخارج من مزرعتك؟

الأجابة : نعم ------------------------أم------------------------------ لا

أذا كانت الأجابة بنعم
ما هو السعر الذي تبيع به وما هي الجهة التي تبيع أليها؟(ملحوظة:المطلوب تحديد نوع الجهة التي تبيع اليها وليس أسم المنشأة نفسها علي سبيل المثال:مشتل زهور أو أراضي مستصلحه أو مزارع خضروات أو مزارع فاكهة......ألخ)
_________________________________
رجاء شخصي:

أن يقوم كل من يقرا هذا الموضوع بالرد
ليس مطلوب في الرد أكثر من كلمتين أو ثلاث
أما لا أستطيع تسويقية وأقوم بالتخلص منه
أو نعم أبيعه ب (مثلا:2 جنية الكيلو) ل (مثلا:أرض مستصلحه جديدة)

____________________________________________

شكر خاص لكل من يسهم في الرد علي هذا الأستطلاع :-) :-)

[ تم التعديل بواسطة trustmeee 01.07.2008 - 12:06 ]

[اشرف عماره]

انا شخصيا باستخدمه فى تسميد الارض عندى فى انتاج مزروعات خاصه باكل البيت بدون اضافات كيماويه
ولو باشتريه او هابيعه مقارنه بسعر السماد البلدى (سماد المواشى) سعر المقطوره 70 جنيه من مكانها سعة 5 م مكعب

[SasaSoft]

انا عن نفسي بتخلص منو لان معنديش مكان للتخزين
لكن فيه عنابر جنبي بيتبيع الــ 50 شكارة بــ 60 جنيه لكن للاسف معرفش المشتري بيستخدمو في ايه

[miroo]

انا برضه بتخلص منه في مكان بعيد عن المزرعه

[vetoman2000]

انا كنت ببيعه سعر الشيكاره بجنيه
ولكن كان مطلوب مني اني اخزن كميه كبيره فكانت الرائحه زي مانتو عارفين
علشان كده بقيت بفضل التخلص منه اول باول وأمرنا لله

[trustmeee]

أية دا أية دا؟
الشيكارة بجنية؟والخمسين شيكارة بستين جنية؟
لية كدة؟ :-(
دا انا التاجر اللي انا بتعامل معاه قالي ان سعرو دلوقتي من 2 جنية ل 2جنية ونص الكيلو
دا سعر خرافي دا بقي ولا اية؟
____________________________
عموما كملو الأستطلاع برضو يمكن نلاقي حد بيبيع غالي ويفيدنا
انا زعلان من الناس اللي قرات الموضوع ومعرفتناش هما بيعملو اية في الزبل بتاعهم

[trustmeee]

أية دا أية دا؟
الشيكارة بجنية؟والخمسين شيكارة بستين جنية؟
لية كدة؟ :-(
دا انا التاجر اللي انا بتعامل معاه قالي ان سعرو دلوقتي من 2 جنية ل 2جنية ونص الكيلو
دا سعر خرافي دا بقي ولا اية؟
____________________________
عموما كملو الأستطلاع برضو يمكن نلاقي حد بيبيع غالي ويفيدنا
انا زعلان من الناس اللي قرات الموضوع ومعرفتناش هما بيعملو اية في الزبل بتاعهم
_________________\
أنا اسف ان انا كتبت ردين ورا بعض جت غلطة ومش عارف أمسح الرد التاني فعدلت علية بس :-(
يكون أفضل لو حد من الأدمنز مسحو علشان الشكل العام

[ تم التعديل بواسطة trustmeee 02.07.2008 - 13:15 ]

[vetoman2000]

الكيلو ب 2 جنيه ؟؟؟
أغلي من كيلو العلف؟؟؟
دا شئ مش منطقي
لان كان ساعتها يبقي مكسب الارانب كله في الزبل ولا ايـــــــه؟؟
عموما لو صحيح الخبر ده انا مستعد ابيع علي سعر 1 جنيه بس ووصال كمان

[trustmeee]

يا جماعة انا عايز اعرف السعر السوقي للزبل
حد من المزارعين الكبار يقولنا سعرو كم ؟
هل هو كتير زي مناس قالتلي
ولا قليل زي مأخوتنا هنا في المنتدي بيقولو كدة
اللي اعرفو عن الزبل دا انو غني جدا بالنيتروجين ومصنف كتاني أفضل سماد عضوي للاراضي الزراعية اللي بتتزرع بالخضروات بعد زرق الحمام
هل الكلام دا صح ولا انا معلوماتي غلط؟
______________________________
المهم كملو بس ونبي الأستطلاع دا علشان نقدر ناخد قرار سليم من ناحية الزبل :-)

[اشرف عماره]

زرق الحمام الطن ب 600 جنيه