المنشطات الجنسية للأرانب.

[islam4420]

السلام عليكم....اخواني الكرام انا كنت اشتريت ام من مزرعه وكانت متعشره قبل ماشتريها بكام يوم وبعد 14 يوم جيت جسيت وعملت سونار ملقتش فيه حمل بس مش هي دي المشكله المشكله انها رافضه تماما التلقيح من اي ذكر( انا عندي اثنين وشغلين) وتقريبا انا كنت بعرضها عليهم يوميا!!! فهل فيه ادويه او منشطات ممكن تاخدها وتنصحوني بايه؟؟؟
وجزاكم الله خيرا

[ تم التعديل بواسطة هانى محمد امين 26.04.2007 - 22:52 ]

[kazem237]

اخى الفاضل ممكن تعرفنا اى مركز عملت عنده لارنبه سونار ؟؟؟؟؟
يص يا اخ اسلام الارنب تجيبه من اى مزرعه عشار دا مرفوض تماما
لاسباب كثيره جدا من اهمها الاجهاد الذى يحدث لام ثانيا ممكن لا قدر الله يحدث بعض الانزفه فى الرحم الامر الذى يؤدى الى الاجهاض
وكمان لازم الام تتعود على المكان اللى هتكون فيه
الارانب دى مش كمبيوتر اى ان اتلقحت النهارده هتخلف بعد شهر فى اى مكان
وكمان الارنب لازم يتفحص جيد جدا قبل الشراء من حيث التهابات فى الرحم دا شىء مهم جدا

واى شىء تحتاجه يمكنك مراسلتى
كيميائى كاظم
وشكرا

[Ali1]

بعض الإناث لا تعشر في الجو الحار خصوصا تلك التي لم يسبق لها الحمل. أنصحك بالصبرحتى سبتمبر .

[micheal]

في اعتقادي ان الارنبة قد قامت بهضم النتاج داخليا خوفا من الاجواء الجديدة بعد شرئها علي الاجنة او بسبب اختلاف العلف

[islam4420]

شكرا علي الردود اخواني ولكن ردا علي اخي كاظم انا عملتلها سونار في مركز العنايه البيطريه في اسكندريه وهو تابع لوزاره الصحه والارنبه انا جيبها من مزرعه صديق وتم الكشف عليها ودي كانت اول مره تتعشر فيها ....بس الاخ مشيل قال ان ممكن تكون هضمت النتاج داخليا فهل ده ممكن؟؟ ولو وحبيت دلوقتي اشغلها تاني اعمل ايه؟؟
هي كده بقلها شهر او اكتر شويه عندي
جزاكم الله خيرا

[shiko2004]

استخدم ه- سيلينيوم بتاع شركة يونى فارما و هتلاقى النتيجة بعد يومين او تلاته بالكتير و هتدعيلى بعدها

[ahmadheh]

السلام عليكم
لازم تتأكد الاول ان مفيش بواقي اجنه داخل الرحم وبتتأكد ان مفيش التهاب رحم
ولو لقيت النهاب ابقى اديها بان تراميسين من 3 الى 5 مرات حقن وان ملقتش بان تراميسين يبقى ممكن تديها اي نوع من الاوكسي تتراسيكلين بس البان تراميسين في التهاب الرحم افضل ولازم تعمل اسطره للرحم عشان تطهره
اما عشان تطلب التعشير ممكن تاخد 2. سم رسبتال بس ده غالي عشان تجيبه لام واحده لان العلبه ب 37 ج وبرده لازم تتاكد ان الرحم مفهوش التهاب او بواقي اجنه لان في الحاله دي مش حتعشر
والله اعلم

[talat]

[color=400000]أخي أسلام أعتقد أن الأرنبة بتاعتك قد هضمت النتاج داخلياً وذلك نتيجة الجهد الذي حصل لها من تغير الأجواء.[/color]