السمكة الجوبى وولدتها

[hames]

السلام عليكم
السمكة الجوبى ولدت والحمد لله وماشاء الله امبارح وكنت حطاها لمدة يوم فى الحضانة
وسبحان الله وجدت ولدتها رغم عددها بسيط جداا لكنى لقتها ولدتهم ونزلوا عاموا على طول
ومالقتش منهم لسة فى كيس الملح او ميت والحمد لله
كلم سبحوا لفوق فى نفس اليوم
ولكن لاحظت ان بطنها كانت لسة منفوخة والعلامة السودا كبيرة لسة
فنقلتها لحضانة تانية فقامت ولدت كام واحدة كمان
فسبتها قولت تكمل ولادة لان بطنها كان لسة فيها نقطة سودا رغم انها قلت كتير طبعا عن اول مرة والبطن خست ومابقتش منفوخة
لكن النهاردة الصبح لسة بطنها فيها علامة صغيرة سودا
فاخرتها من الحضانة لانى خفت بصراحة انها تكون مجهدة وتموت ولا حاجة
فانا مش عارفة هل العلامة السودا دى طبيعى ولا معناها ان لسة فى بطنها ولدة رغم صغر حجم العلامة .. فهل ارجعها تانى للحضانة ؟؟
وازاى اعرف ان السمكة خلاص خلصت كل الى فى بطنها ؟؟ يعنى هل شرط اختفاء العلامة تماما ولا اية ؟؟
وسؤالى التانى المهم معلش حد يفدنى ويقولى انظف الحضانة ازاى للولدة علشان بصراحة مش عاوزة اخسرهم
والحضانة حجمها مناسب لعددهم تقريبا وهى فى الحوض الرئيسى طبعا لانى لا املك حوض اخر ولا امكانية لذلك
بس انظف لهم قاع الحضانة ازاى من بواقى الاكل ؟؟ وبعد اد اية انظفها ؟؟ يعنى بعد كل وجبة ولا فى اخر اليوم
واسفة جداا للاطالة عليكم وشكرا ليكم

[khalidmostafa]

العلامة السوداء لن تختفي بشكل كامل ولكن تظل بقايا منها وبعدين بعد يوم كامل مأعتقدش ان حيكون لسه في ولده ..المهم متغلطيش الغلطه بتعتي قبل كده...لا تتركي الولده في الحضانه لأكثر من إسبوع وإلا سيتقزموا و يقل معدل نموهم ..يجب التصرف بشكلً ما ..بالنسبة لتظيف الحضانة ممكن بإستخدام خرطوم هواء ولكن بمنتهي الحرص حتي لا تسحبي ولدة اثناء العملية وذلك بشفط بعض الماء في وعاء خارجي ثم توجيه طرف الخرطوم علي الفضلات فيتم شفطها

[TOUGH]

ألف مبروك على الولدة, ولو إنها جاية متأخرة شوية.

بالنسبة للتنضيف, أنا كنت فرخت جوبي قبل كدة في الحضانة عندي برضه, واكتشفت بالصدفة طريقة حلوة لتنضيف الحضانة.

حطي دود حي, هيلم الفضلات اللي في الحضانة كلها ويتغذى عليها, والسمك الكبير اللي برة الحضانة هيتكفل بإنه ياكله, والدود ما بيقربش من الولدة خالص, وده عن تجربة شخصية.

[madny]

[size=SIZE][/

size]السلام عليكم ورحمة الله وبركاته[SIZE=7][/size عندى ولدة جوبى ليها 3شهور بس ما كبروش اقوي انا بأكلهم صفار البيض والاكل العادى :-D فهل في انواع اكل تانى؟ وانا فى اسوان ومفيش دود للسمك ومش عارف اجيبه من فين؟وحاطت السمك فى بلوره ;-) وهل ينفع اكلهم كبد مفروم وياريت تقولولى على انواع اكل مغذيه عشان السمك يكبر بسرعه :-? واسف على الاطاله :-) وارجو الرد بسرعه 8-)

[khalidmostafa]

من واقع خبرتي العملية ان السمك حيتصرف في موضوع الأكل ده متقلقش منه..يعني حتي لو انت مبتأكلهوش كويس حيكمل اكله من الطحالب التي تنمو في الحوض ...ولكن الشئ الذي يؤثر فيه جزرياً هو مساحة السباحة ..يعني البلورة دي حتجعله يتقزم وده عن تجربة .

[محمود صبره]

السلام عليكم...بالنسبة لهاميس...اولا لا تقلقي من موضوع النتقطة السوداء دي ..وسمكة الجوبي ملهاش مقاييس ثابتة تحديدا في موضوع ا لولادة ..وانت نفسك مع تكرار التفريخ ستلاحظين ذلك.يعني انا مثلا عندي انثي جوبي رسالة طول+الوان قوية+حيوية..لاكن مشكلتها انها محتاجة محترفين علشان يتعامله مع موضع ولادتها .لانها وباختصار تحتاج درجة حرارة اكثر وعزلة تامة حضانة اكبر .تقدري تقولي (بتولد قيثري)..وطبعا اسهر بجانبها وكل مرة علي كدة لاكن ولدتها بسم الله ماشاء الله. ولا اروع....وبانسبة للتنظيف كما ذكر الاستاذ خالد..بالخرطوم مع الحظر .... ملحوظة طالما انك حاسة ان الانثي لازالت بطنها منفوخة وحسيتي ان لسة مكملتش اتركيها ف الحضانة.احيانا برضوا في اناث بتولد علي مراحل ..وعن تجربة..والسلام عليكم[img align=left]http://www.arabvet.com/modules/uc/cache/files/10567/56/guppy_3.jpg[/img]

[ تم التعديل بواسطة محمود صبره 19.03.2007 - 23:43 ]

[محمود صبره]

[ تم التعديل بواسطة محمود صبره 20.03.2007 - 00:41 ]

[محمود صبره]

السلام عليكم ..بالنسبة للاخ madny..دائما الولدة بعد مرحلة اسبوع وليس اكثر تحتاج لمساحة اكبر حتي يتثني لها تعايش مراحل النمو الطبيعية وذلك ايضا مع توفير مناخ ملائم مع اضائة مناسبة..وتغذية جيدة..وذلك لتلوينها واكتسلبها للحيوية والكيان الجميل من زعانف اطول والخ....وبالنسبة للدود متشلش هم يا سيدي اكيد بيوصل عندكم دود مجفف مع انواع الاكل الاخري..افركه جيدا وقدمه لصغارك .وكما ذكر لك الاخ خالد .موضوع المساحة والوسع اهم ...والسلام عليكم[img align=left]http://www.arabvet.com/modules/uc/cache/files/10567/56/guppy_9.jpg[/img]

[محمود صبره]

السلام عليكم ..بالنسبة لموضوع الدود وتجميع النفايات ..هو فعلا الدود راح يجمع العوالق اللي ف الحضانة ...لاكن الاسواء من ذلك ؟؟.....هو ان الدود نفسه راح يعكر الماء ويبوظ نسب المياه في اقصر وقت ممكن...السلام عليكم.[img align=left]http://www.arabvet.com/modules/uc/cache/files/10567/56/guppy_20frys_1.jpg[/img]

[ تم التعديل بواسطة محمود صبره 20.03.2007 - 00:10 ]

[gana]

السلام عليكم

ألف مبروك هاميس ويتربوا فى عزك

فعلا تربية السمك تحتاج صبر