المساعد الشخصي الرقمي

مشاهدة النسخة كاملة : استفسار عن قطوه << يوجد صور للقطوه



جو ثاني
01-11-2010, 03:20 AM
السلام عليكم

بصراحه انا قليل الخبره في القطط

وجتني قطه هديه بس شكلها غريب وكانها من قطط الشوارع

بس الفرق ان شعرها كثيف ووجهها اصغر شوي

ويقال لي انها بلجيكيه

ابي اتاكد من خلال منتداكم

وش نوع القطه .. مع العلم انها ذكيه جدا وتتدرب بسرعه ونظيفه في اخراج فضلاتها

هذي صور لها اتمنى تفيديوني


1390
1389
1388
1387
1386
1385
1384


وكم سعرهاااا في السوق وعمرها 7 شهور

ومعها شهادت تطعيم

طبعا انثى :)

جو ثاني
01-11-2010, 04:57 AM
3 يشاهدون الموضوع ولا يرد احد :$

صاحبة القطط
01-11-2010, 07:34 AM
شكلها حلو ونظيفة
بس ما اعرف وش نوعها لكن اعتقد انها قطه رومي مجرد اعتقاد
وان شاء الله يجاوبك احد غيري

عبدالله 800
01-11-2010, 10:41 PM
هذي قطة شارع واذا على كلامك فيها شعر اكثر من القطط المعروفة

بالصورة مو باين معي فهي مهجن مع امريكي

جو ثاني
02-11-2010, 12:47 AM
هذي قطة شارع واذا على كلامك فيها شعر اكثر من القطط المعروفة

بالصورة مو باين معي فهي مهجن مع امريكي


لا يا غلاهم مو قطه شارع

انا اللي قالولي انها بلجيكيه بس بحثت ومالقيت قطط بلجيكيه

قطاوتنا معروفه ياخوك

مجدي مدحت
02-11-2010, 01:47 AM
هذا القط احتمال يكون من ام شيرازي واب شوارع (بلدي)

جو ثاني
02-11-2010, 01:53 AM
هذا القط احتمال يكون من ام شيرازي واب شوارع (بلدي)


انا ابي الاكيد

لانووو حركاتها مو حركات قطو شوارعجي يا ناس

فيه فرق كبير

وما تاكل اي شي

ونظيفه مررررره

البوبو في المكان المخصص :)

يعني قطوه خواجه بس شكلها غريب

ابي شخص يأكد لي وش وضعها

صاحبة القطط
02-11-2010, 07:00 AM
والله شوف انا عندي قطة من الشارع لكن شكلها حلوووو
وتروح الحمام وانت بكرامه وماتاكل إلا من صحنها يعني مؤدبة
محد يصدق انها من الشارع وهذا بسبب اسلوب التربية هههههههههه
المهم جبت لها ذكر فارسي وانجبت 6 يعني مهجن واشكالهم نفس القطو اللي عندك
ماعدا وحده طلعت تشبه ابوها بكثافة الشعر

الوقار
02-11-2010, 11:51 PM
مثل ماقالت صاحبة القطط
تكون تربيتها من صغرها في البيت بس اصلها شارع كان عندي وحده بيضا وشوي رصاصي بالأطراف هي من يوم شافتنا تلزقت فينا وعيت تروح وحسينا انها تربية بيوت وعليها نظافه ولعب مشالله حتى ماتتحمل الحر بره مثل قطط البيت مع انها قطوة شارع بس تكون مولوده في البيوت

جو ثاني
03-11-2010, 02:17 AM
يعني القيهاااا باب الشارع بس

ومسوي جايب لي هديه مع وجهه خويي هااه :(

صاحبة القطط
03-11-2010, 07:25 AM
لالالالالالالالالا حراااااااام عليك لاترميها القطوه تعودت على البيت
ولو رميتها ماراح تتحمل الحر والجوع والعطش فالشارع
خليها عندك لك اجر فيها ان شاء الله
واذكرك بحديث الرسول صلى الله عليه وسلم
(( الراحمون يرحمهم الله )) والحديث عام عن الرحمة بالإنسان والحيوان
يعني لو كانت امريكية كنت بعتها وكسبت فيها فلوس
طيب خلاص خليها واكسب فيها اجر الين تلقى احد يربيها بدالك

جو ثاني
08-11-2010, 12:48 AM
لالالالالالالالالا حراااااااام عليك لاترميها القطوه تعودت على البيت
ولو رميتها ماراح تتحمل الحر والجوع والعطش فالشارع
خليها عندك لك اجر فيها ان شاء الله
واذكرك بحديث الرسول صلى الله عليه وسلم
(( الراحمون يرحمهم الله )) والحديث عام عن الرحمة بالإنسان والحيوان
يعني لو كانت امريكية كنت بعتها وكسبت فيها فلوس
طيب خلاص خليها واكسب فيها اجر الين تلقى احد يربيها بدالك


ههههههههههههههههه

طلعت امريكيه

وديتها لمحل جوون في الرياض وقالو انها امريكيه

ونصحوني ازوجها بشيرازي

صاحبة القطط
09-11-2010, 02:42 AM
الحمدلله عشان ماترميها
يله ما اوصيك انتبه عليها ترى القطاوة حبايب