المساعد الشخصي الرقمي

مشاهدة النسخة كاملة : صناعـــــــــة الجبنه فى المنــــــــــــــــزل !!!!!!!!!!



m3a__allah
03-04-2007, 01:59 AM
بسم الله الرحمن الرحيم


صناعة الجبنه فى المنــــــــــــــــــزل

و هى طريقة سهله جدا جدا و يقدر اى حد يعملها

و موضوعى دة للعضو اللى سال عن طريقة تحويل اللبن لمنتجات اخرى


و الطريقة هى:

1) لازم يكون مصدر اللبن موثوق فيه ... و ميكنش لبن معلب و يفضل انه يكون لبن جاموسى عشان يتحس طعم الجبنه فيه اكتر مع ان اللبن البقرى اخف

2)فى مادة اسمها المنفحة و هى مادة بتتحط على اللبن عشان يمسك و يباه كتله واحدة يعنى المادة دى بتجبن اللبن ... اعتقد ان المادة دى ممكن تتباع فى الصيدليات او من مصانع الجبن
لكن طبعا من الصيدليات افضل بكتير عشان تكون مضمونه

3) بتجيب اللبن و تسخنه لمدة 3 دقايق مش اكتر من كدة ... يعنى مجرد انه يكون فاتر

4) و لكل 10 لتر لبن بتحط عليها ملعقة طعام من المنفحة

5) استمر فى التقليب تقريبا لمدة نص ساعة او لغاية ما تحس ان اللبن باه كتله متماسكة كانه قطعة واحدة ثم اتركه لمده 4 ساعات مع التغطية

6) بعد كدة تجيب مصفه و تصفيه من الشرش و تجيب حاجة تقيله و تضغط بيها عليه عشان ينزل كل الشرش اللى فيه و اتركها لمده ساعة تقريبا

7) و بعد كدة قطعها حسب الرغبة و بالنسبة للشرش حاجة من الثلاثة

يا اما ترمى الشرش خالص و بكدة تحصل على جبنه قريش

يا اما تحط فيها نسبة ملح خفيفة و تحط فيها الجبنه اللى قطعتها ( مكعبات مثلا ) و بكدة تبقى جبنه طازة

يا اما تحط فيها نسبة ملح كتيرة و تحطها فى صفيحة و تتلحم و تترك تقريبا لمدة 3 شهور و بكدة تحصل على جبنه قديمة