المساعد الشخصي الرقمي

مشاهدة النسخة كاملة : مشكلتي مع الفايتر والجرامي... برجاء الدخوووووووول



مخ7
05-10-2006, 04:23 PM
السلام عليكم ورحمه الله وبركاته

في الحقيقه انا خلاص جبت اخري بسبب الفايتر والجرامي

فشلت كتير في مسأله التفريخ

عملت كل حاجه قولتلولي عليها

جبت ذكر وانثي فايتر وجرامي

وغزيتهم كويس قوي وبعدين فصلت الدكر عن الأنثي في الجرامي

اما الفايتر فمحطيتهمش مع بعض أصلا , وبعد التغزيه جبت حوض 50 ســـم وحطيت فيه الدكر الفايتر او الجرامي ( كل علي حده بالطبع )
وتم عمل العش وكان عش كويس جدا في التجربتين الإخيرتين

نيجي لتجهيز الحوض
حوض 50 ســم
مياه حتي 15 او 17 ســــم
سبتها لمده 4 أيام او أكثر مع وضع كميل بسيطه من الكلورين ( مزيل الكلور ) بالإضافه إلي نقاط بسيطه من محلول الكحول ( نصيحه المهندس صابر دياب )
وضعت سكريه بالمياه وبالطبع لم أضع جرش
وبعد الأربع أيام وضعت شئ يساعدهم في بناء العش ( دواده مقلوبه )
ثم وضعت الدكر في الحوض ... بعد التعود علي الحوض الجديد بدا في عمل العش (لمده ثلاثه أيام ) وفي أخر يوم وضعت له الأنثي جواره ( بجوار الحوض ) لكي تثيره أكتر وتتهيئ نفسيته لعمليه التفريخ

وبعد كده حطيت النتايه

أولا في الفايتر ( قطع جميع الزعانف ثم قتلها دون عصر ) شكرااااا قوي يا عم الفتري وربنا يباركلك في صحتك
وفي تجربه تانيه لقيت الأنثي مركونه في جمب من الحوض وارض الحوض مليانه بيض
والدكر بسلامته ياخد بيضه ويضعها في العش وياكل عشر بيضات قصادها لحد ما خلص علي البيض كله
وبعين النتايه إنتحرت ( وضعتها في برطمانه ثم قفزت منه ) من عمايل جوزها . كل العيال كلهم

ثانيا الجرامي .... الدكر أسس عش المقاولون العرب نفسهم يفشلوا في تقليده
وبعد كده بهدل النتايه من كتر العض في زعانفها
بس مفيش عصر ولا بيض ( برغم إمتلاء بطن الأنثي بالبيض )


جربت الخطوات دي أكثر من مره

وفي كل مره النتيجه هيه الفشل الزريع

برجاء مساعدتي في تفريخ الفايتر والجرامي

لو حد شايف أي حاجه انا عملتها غلط يقولي
لو فيه خطوه مش مظبوطه يفهمني
الغلط فين دلوقت ؟؟؟؟

:-? :-? :-? :-? :-?

إلي كل من يهمه الأمر ...إلي الساده الخبراء .... ساعدني في تفريخ الفايتر والجرامي
:cry: :cry: :cry:

صابر دياب
07-10-2006, 12:15 PM
لا يوجد أي خطاء يا مخ7

فقط الحظ

مخ7
07-10-2006, 02:44 PM
طيب وبعدين ؟؟ انا بجد عايز أنجح علشان انا مليت من كترالفشل وكل شويه بدخل في سمك جديد يعني مثلا قولت احاول مع السيكلد علشان تفريخه سهل ولما أنجه أبدا أرجع للجرامي والفايتر تاني

حضرتك تنصحني أعمل إيه بالظبط ؟؟؟

ومتشكر علي ردك ليا

SAMYHOK
07-10-2006, 09:48 PM
الاخ الفاضل

الحقيقه كل اجتهاداتك في التفريخ شغاله و كويسه

بس احب اوضح لك حاجه مهمه

البيض اللي بيقع ده مفطر وعلشان كده الذكر بيأكله لان مفيش منه فايده وبيخاف منه يفطر باقي البيض

وسواء الجرامي او الفايتر الاثنين لا يوضع لهم الهواء الضعيف الا بعد الفقس وليس قبل

اما المشكله كما اراها هي في اختيارك للازواج نفسها

الانثي طالما عاصيه لا طائل منها لو حتي الذكر غني لها

ولما تلاقي الضرب قاسي يعني هي مش عاوزه يبقي بلاش منها

لازم الانثي كما قلت سابقا في مقالي عن تفريخ الجورامي " سلسلة التفريخ " تكون اصغر من الذكر سنا و حجما

وايضا الفايتر زي الجورامي تماما

ثم لازم تضع اي كهف فخاري في جانب الحوض كي تختبيء به الانثي لو زادت عدوانية الذكر و بقت غباوه مش تفريخ

ثم اللي يساعدك علي تكوين العش هو قطعة فويل مسطحه او زرع اما موضوع الدواده المقلوبه فهو استثناء وليس قاعده

الماء يكون مركون وراكد تماما والحوض يفضل يكون مغطي مع اضائه خافته وهدوء وبدون اكل تماما مع 3 نقطة انتي وايت سبوت

و 3 نقط كحول فقط ولا تكثر و لا داعي لمزيل الكلور طالما الماء مركون اكثر من 48 ساعه

ارجو الا تيأس وحاول ثانية فلا يأس مع الحياه ولا يقع الا الشاطر

مخ7
08-10-2006, 03:49 PM
حاضر يا أستاذ سامي وان متشكر لتشجيعك ليا ومش هيئس وهحاول تاني
وإن شاء الله أقولكم اني فرختهم قريب
المهندس صابر أداني انثي جرامي وانا جبتلها ذكر كويس وعازلهم عن بعض
وبديلهم تغزيه كتير قووووووووي
يعني دووووووول كل شويه بس بياكلوه كله ومش بيقع حاجه في الحوض
ولو وقع فا الكات فيش موجود
وهجرب تاني قريب
وهجرب في الفايتر برضو بس مستني اجيب أنثي كويسه

تحياتي ليك يا أستاذ سامي وشكرا علي إهتمامك
سلام

SAMYHOK
12-10-2006, 06:38 AM
الاخ الفاضل

موفق انشاء الله

وعلي فكره انا رديت عليك في موضوع الجورامي الدوارف ابقي راجع المشاركه

دي هاتكمل معاك موضوع التفريخ و رعاية الصغار للنهايه

واتمني اسمع ردك

ثم فيه ملاحظه انا بيهألي سمعت اسم صابر في الموضوع

ده ممكن يكون سبب في عدم التفريخ ( طبعا لانه راجل يدين بالولاء للسيكلد ازاي هايساعد في نجاح سمكه ثانيه )

ابقي بص كويس وحياتك علي السمكه اللي اعطاها لك احسن تكون شيكلد متخفيه مش عاوزين مشاكل معاه
:-D

مخ7
12-10-2006, 02:23 PM
هههههههههههههههههههه
الأستاذ الفاضل والأخ الغالي سامي
اولا نتشكر علي ردك علي الموضوعين
ثانيا انا مسكت السمكه وحولت أخليها تعترف بالحقيقه لكنها طلعت فعلا جرامي والحمد لله :-D
امن عن أخي المهندس صابر ... فربنا يوفقه في شغله وفي السيكلد .... الإتنين تعبوه قوي
انا قرأت ردك في موضوع الجرامي
بجد مش عارف أقولك إيه ولا أشكرك إزاي
ربنا مايحرمكش مني ولا من المبتدئين إلي زيي يارب
شكرا ليك يا أستاذ سامي علي تعبك معايا
تقبل أرق تحياتي
:up: :up: :up: